A bella de Toriggia
Ne vegnivan zù da-i bricchi
voeivan veddila un pò tutti
vegi, zoeni, pòvei, ricchi,
magri, grasci. belli e brutti.
"Ma ammiè un pò che bella figgia"
criavan tutti pe-i sentè
"Son a bella de Toriggia!"
e a scrollava un pò o panè.
Ò bella de Toriggia
portene 'na bottiggia.
voemo sposave
voemo mette sciù famiggia!
Tutti a véuan, ma a fin da fòa
mieli un pò! nisciùn à piggia.
A le stæ cö-i villezzanti
a l'ea lè ch'à s'ingiarmava
si a spremmeivan tutti quanti
ghe perdeivan tutti a bava.
"Si a zughemmo a biscambiggia?"
se dixeivan cò-i paisen
"A l'è a bella de Toriggia!
miè che brasse. mie che sen!"
O bella de Toriggia, stè attenta zù pe-a liggia
che gh'è de crave
gh'è o Beppin ch'o se beziggia,
anche o scindico o a vorieiva
ma...osciben! nisciùn a piggia.
Oua a l'ha passòu i sciùscianta
l'han lascià sóla e fantinn-a
sensa fin nisciùn ciù canta
e guastòu s'è anche a spinn-a.
A s'è fæta lunga e stiggia
a camalla, a fa bùgà,
a fa i letti, a cùxe, a striggia
e in sce l'erba a va a cantà:
"Ò figge de Toriggia
tégni da cónto a chiggia
se voei sarvave
no aggei de l'ingordiggia
atrimenti ve succede
còmme a bella de Toriggia
