In Falouza in tu prou ciammou “fuggia”

Han missu sciu na ciuenda,

pali ciante in terra e traverse in scia simma,

perché ne piggiou a puia

che quarche macchina a finisse de sutta,

in tu vou.

Primma passavimu sensa fermase

Oua, passemmu s’arrembemmu aa ciuenda

E ne se avertu un mundu nou,un panurama.

Tuttu verde cu va dae arpi

Au fundu da valle du Lacciu.

Là gianca in ti munti verde se vedde a Madonna da Guardia

E poi un munte tuttu antenne da televisiun ,u Beigua,

e na seretta de munti cuntra u se

che van da u pissu d’ Ormea all’Argentera

e poi i cien de Pragia.

Sutta , chi vixin ,i paixi Castiggiun de sutta e de datu,

e in ti munti davanti

Campegnuosu , mangiou dau verde, Cadea, Ciappa e Ciappetta,Fetu

Poche case quexi tutte voe de gente .

In fundu da’n tocchettin de stradda che mancu u se vedde

Arriva rumure de mundu mudernu ,de macchine e de motu,

cu ne fa pensà cumme dau spasiu avertu e tranquillu se po passa

au mundu mudernu piccin rumurusu e streitu.

Ettore luglio2009