In ti fiuri dell’Antua gh’è sun di culuri

che, vivendu in sittae,

ciù nu se ricurdan.

A genzianella den bleu

cu pa cheitu da u ce

de quelle mattinne cee

doppu na giurna de burrasca.

U buttun d’ou den gianu luxente

cu l’è pegiu a quelle foggie d’ou

in te culonne de vegie giexe de Zena.

U narcisu den un giancu

cu pà na pennellà de culure

In tu quaddru pin de verde di proei.

E poi magne de fiuri

d’ogni mesua e prufummu,

d’ogni culure,

gianchi , celesti , burdò , giani , rusci

che mescian au ventu

e parlan ae nostre uegie,

pe remescia emusciuin grandissime

e ricordi ascusi in ta memoia.

Au ventu tutti questi culuri undezzan

cumme unde du ma, cu se vedde in distansa

fra i munti de Zena



Ettore Giuseppe Fabiano